Հրդեհ է բռնկվել Գյումրի քաղաքի երկաթգծի կայարանում գտնվող պահեստային շինության տանիքում։ Այդ մասին Օգոստոսի 1-ին, ժամը 03։52-ին ահազանգ է ստացվել Շիրակի մարզային ճգնաժամային կառավարման կենտրոն։
Ինչպես հետո պարզվել է՝ Հրդեհը բռնկվել է «Հարավկովկասյան երկաթուղի» ՓԲԸ-ին և քաղաքապետարանին պատկանող «Կայարանամերձ» հրապարակում գտնվող կից շինությունների տանիքում։.
Այրվել են «Հարավկովկասյան երկաթուղի» ՓԲԸ-ին պատկանող պահեստների տանիքը (մոտ 30 քմ), քաղաքապետարանին պատկանող շինության տանիքից մոտ 15 քմ, ոչ բնակելի տնակի ինքնաշեն հատվածը (մոտ 70 քմ), ինչպես նաև տնակից մոտ 10 քմ։
Հաջողվել է հրդեհը մեկուսացնել ժամը 05:17-ին, մարվել՝ 07:03-ին: