Ռամզան Ախմատովիչ Քադիրով (ռուս.՝ Рамзан Ахматович Кадыров, չեչ.` Къадар АхIмат-кIант Ръамазан, հոկտեմբերի 5, 1976[1], Ախմատ-ԻՈՒրտ, Շալինսկի շրջան, Չեչենա-ինգուշական ԻԽՍՀ, ՌԽՖՍՀ, ԽՍՀՄ), Չեչնիայի ներկայիս նախագահ (2007 թվականի փետրվարի 15-ից) և նախկին չեչեն ապստամբ, Միասնական Ռուսաստան կուսակցության գերագույն խորհրդի անդամ, Ռուսաստանի Դաշնության հերոս (2004)։ Չեչնիայի առաջին նախագահ Ախմատ Քադիրովի որդին է։

Առաջին չեչենական պատերազմի ժամանակաշրջանում մասնակցել է մարտական գործողություններին դաշնային զորքերի դեմ, իսկ Երկրորդ չեչենական պատերազմի ժամանակ անցել է դաշնային կառավարության կողմը։ Ախմատ Քադիրովի նախագահության ժամանակաշրջանում զբաղեցրել է Չեչնիայի նախագահի անվտանգության ծառայության ղեկավարի պաշտոնը։ 2005-2007 թվականներին եղել է Չեչնիայի Հանրապետության կառավարության ղեկավարի պաշտոնը։ Եղել է ոստիկանության Գեներալ-մայոր (2009)։