Քաղաքապետարանի հանրակրթության վարչությանը Երևանի քաղաքապետ Հրաչյա Սարգսյանը հանձնարարել էր մայրաքաղաքի հանրակրթական դպրոցների 1-4-րդ դասարաններում կարճ թելադրության մրցույթ կազմակերպել։
Նպատակը՝ հրատարակիչների հետ համագործակցելն է՝ տեքստի պատրաստման ուղղությամբ։
Այդ միջոցառումը կներառվի փետրվար ամսին տեղի ունեցող Գրքի տոնի և «Մայրենի» առարկայական շաբաթվա ընթացքում։
Չհամաձայնվելով ժամկետների հետ՝ քաղաքապետն ասաց․ «Եկեք հոկտեմբերին անենք, ուսուցիչների օրն է լինելու, եկեք դրա շրջանակներում անենք, ինչու՞ ենք մինչև փետրվար սպասում, մինչև փետրվար 7 ամիս կա»։
Քննարկման արդյունքում որոշվեց նման թելադրություն անցկացնել երկու անգամ ՝ մեկը հոկտեմբերին, մյուսը՝ փետրվարին։