Հուլիսի 21-ին ՀՀ Վարչապետ Նիկոլ Փաշինյանի կողմից նոր որոշում է ստորագրվել, որում մասնավորապես ասվում է․
«Ղեկավարվելով «Կառավարության կառուցվածքի և գործունեության մասին» օրենքի 7-րդ հոդվածի 5-րդ մասով և հիմք ընդունելով Հայաստանի Հանրապետության կառավարության 2005 թվականի դեկտեմբերի 29-ի N 2335-Ն որոշումը՝
- Սփյուռքի գործերի գլխավոր հանձնակատար Զարեհ Ջոն Սինանյանին և սփյուռքի գործերի գլխավոր հանձնակատարի գրասենյակի սփյուռքի ներուժի քարտեզագրման և ներգրավման վարչության ներուժի ներգրավման բաժնի պետ Ամալյա Կարապետյանին 2022 թվականի հուլիսի 25-29-ը ներառյալ գործուղել Կիպրոսի Հանրապետություն (Նիկոսիա` հուլիսի 25-27-ը և հուլիսի 28-29-ը ներառյալ, Լիմասոլ՝ հուլիսի 27-28-ը)՝ կիպրական սփյուռքի համաշխարհային համաժողովի բացման արարողությանը, Կիպրոսի Հանրապետության և Հայաստանի Հանրապետության միջև սփյուռքի հարցերի շուրջ երկկողմ հանդիպմանը մասնակցություն ունենալու, և պետական մարմինների ու հայկական համայնքային կառույցների ներկայացուցիչների հետ հանդիպումներ ունենալու համար:
- Զարեհ Ջոն Սինանյանի և Ամալյա Կարապետյանի՝ Կիպրոսի Հանրապետություն գործուղման հետ կապված ծախսերը կատարել 2022 թվականի պետական բյուջեով Հայաստանի Հանրապետության վարչապետի աշխատակազմի «Հայաստան-Սփյուռք գործակցության» ծրագրի «Աշխատանք սփյուռքի համայնքներում» միջոցառման համար նախատեսված միջոցների հաշվին:
- Սփյուռքի գործերի գլխավոր հանձնակատարին՝ ապահովել գործուղումից վերադառնալուց հետո եռօրյա ժամկետում Կիպրոսի Հանրապետություն գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ ներկայացնելը»։