Առուշ Առուշանյան (մարտի 12, 1991, Գորիս, Հայկական ԽՍՀ, ԽՍՀՄ), հայ պետական գործիչ, Գորիսի քաղաքապետ։

Ներկայումս Վերածնվող Հայաստան կուսակցության վարչության անդամ է[1][2]։ Ծնվել է 1991 թվականի մարտի 12-ին Գորիս քաղաքում, Սյունիքի մարզ, Հայաստան։

1997-2007 թվականներին սովորել է Գորիսի Սերո Խանզադյանի անվան թիվ 6 միջնակարգ դպրոցում։

2007 թվականին ընդունվել է Երևանի տնտեսագիտական համալսարանի ազգային տնտեսագիտության ֆակուլտետը և սովորել մինչև 2009 թվականը։ Ելնելով նպատակահարմարությունից՝ 2009 թվականին տեղափոխվել է Գորիսի պետական համալսարան՝ տնտեսագիտության ֆակուլտետ և ավարտել 2011 թվականին, որպես տնտեսագիտության բակալավր։

2012 թվականին ընդունվել է նույն ֆակուլտետի մագիստրատուրան և ավարտել 2014 թվականին։

2008 թվականի օգոստոսին հիմնադրել է «Գոր Մետալ» ՍՊԸ-ն։