Lragir.am-ը գրել է՝

Նիկոլ Փաշինյանին «դավաճանության» համար մեղադրանքներն անհիմն են, կարելի է քննարկել որոշումների ճիշտ կամ սխալ լինելը, սակայն «դավաճանության» մեղադրանքն անհիմն է, նոյեմբերի 17-ին հայտարարել էր ՌԴ նախագահ Պուտինը`

ՌԴ նախագահը խոսում էր պատերազմի, դրա ընթացքում հրադադարի հնարավորության եւ նոյեմբերի 9-ի համաձայնագրի համատեքստում`

Նախ, ՌԴ նախագահը պատկերացնում է, որ նոյեմբերի 9-ը «դավաճանություն» որակելով, այդ որակումն ինչ որ իմաստով տարածվում է նաև իր եւ ՌԴ վրա՝ Հայաստանին «դավաճանելու» իմաստով`

Ըստ այդմ, ՌԴ նախագահը պատասխանատվությունը դնում է Նիկոլ Փաշինյանի սխալի վրա, միաժամանակ թե Փաշինյանին, թե իրեն եւ թե ՌԴ-ն ազատում «դավաճանության համար պատասխանատվության» հարցադրումից`

Դրանից բացի, Պուտինը ակնարկում էր այն մասին, որ Հայաստանի վարչապետը իր քայլերի համար ենթակա չէ իրավական պատասխանատվության և պատասխանատվությունը կարող է լինել միայն քաղաքական, այն էլ կայունության շրջանակում: Այդ իմաստով էլ հայտարարությունն ինչ որ առումով պարունակում էր անվտանգության երաշխիքի տարր`

ՌԴ նախագահի այդ հայտարարությանը սակայն Հայաստանում հաջորդեց գեներալ Մովսես Հակոբյանի նոյեմբերի 19-ի ասուլիսը, որում նա մեղադրանքներ ներկայացրեց վարչապետին, պատերազմի պայմաններում մի շարք որոշումներ որակելով հանցագործություն`

Մովսես Հակոբյանը պաշտպանական քաղաքականության եւ պատերազմի կառավարման, սպառազինության վերաբերյալ մի շարք աղմկոտ հայտարարություններ արեց`

Իրավապահներն արդեն զբաղվում են հայտարարություններն ուսումնասիրելով: Ինչ կպարզեն նրանք՝ իրողության մի կողմն է՝

Մյուսում թերեւս այն է, որ ԶՈՒ գլխավոր շտաբի նախկին պետ, նախկին ռազմական տեսուչ Մովսես Հակոբյանը իր ասուլիսով բարձրացրեց վարչապետի ոչ միայն քաղաքական, այլ նաեւ իրավական պատասխանատվության հարց`

Մովսես Հակոբյանն աղմկոտ բացահայտումներն արել է ԶՈՒ վերահսկողական ծառայության ղեկավարի պաշտոնից հրաժարականից գրեթե անմիջապես հետո: Գեներալ Հակոբյանը հնչեցրել է շատ լուրջ հանգամանքներ, այնքան, որ հազիվ թե հնարավոր է դա բացատրել պաշտոնաթողության «սինդրոմով»`

Որովհետեւ, եթե դրանք չհաստատվեն, ապա իրենց հերթին կարող են դառնալ նրա հանդեպ մեղադրանքի հիմք եւ Մովսես Հակոբյանը թերեւս պատկերացրել է դա, գնալով ասուլիսի`