Առավոտյան որոնողա-փրկարարական աշխատանքները վերսկսվել են, «Ազատությանը» փոխանցեց արտակարգ իրավիճակների փոխնախարար Արտյուշ Գրիգորյանը։
«Ունենք դեռևս մեկ անհետ կորած քաղաքացի և, ինչպես նշել ենք, քաղաքացուն փնտրում ենք կա՛մ եռահարկ այրված շինության առաջին հարկի ձախակողմյան հատվածում, կա՛մ շենքի անմիջական հարևանությամբ», — ասաց Գրիգորյանը։
Քաղաքացուն գտնելը բարդ է լինելու, նշեց փոխնախարարը՝ մանրամասնելով՝ եթե քաղաքացին գտնվել է ոչ թե դրսում, այլ տարածքում, այնտեղ հարվածային ալիքը շատ ուժեղ է եղել, ջերմաստիճանն էլ՝ բարձ, հետևաբար, ըստ Գրիգորյանի, բարդ է լինելու քաղաքացուն հայտնաբերելը։