«Սուրմալու» առեւտրի կենտրոնում արդեն 7 ժամից ավելի փրկարարական աշխատանքները շարունակվում են նույն թափով: Հրդեհը մեկուսացվել է, նախարարի խոսքով նաեւ մարվել, սակայն չեն հայտարարում մարման մասին, քանի որ երբեմն պայթյուններ են հնչում:

Փրկարարները աշխատելու են ողջ գիշեր, տարածքում շատ թանձր ծուխ է տարածվել:  ԱԻ նախարարը նաեւ հայտնել է, որ 20 քաղաքացի իր հարազատին է որոնում, ենթադրվում է, որ նրանք փլատակների տակ են: 

Առողջապահության նախարարությունից էլ հայտնում են, որ տարբեր բժշկական կենտրոններ տեղափոխված տուժածների թիվը հասել է 60-ի: 

Նրանցից 36-ի վիճակը մասնագետները գնահատում են միջին ծանրության, 22-ը հետազոտվելուց հետո դուրս են գրվել: