Հարգելի ընթերցող տեսանյութը տեղադրված է վերջում․ Մինչ այդ իմացեք նաև՝

Ամբողջ քաղաքը նախատոնական կորպորատիվների մեջ է, մարդիկ փորձում են անցյալ տարվա տեղն էլ հանել՝ ոչ մի բանում իրենց չզսպելով: Այս տոնախմբությունների շքերթի մեջ հատկապես աչքի են ընկնում մեծ կազմակերպությունները: «Դիջիթեյնը», որտեղ աշխատում է Նիկոլ Փաշինյանի դուստրը, ևս տարեվերջյան

փարթի է արել, անգամ մանկական Եվրատեսիլի հաղթող Մալենան է ելույթ ունեցել միջոցառմանը: Ասում են՝ «Դիջիթեյնի» կազմը երկար և շատ մանրակրկիտ պատրաստվել է, սրտատրոփ սպասել, իսկ առաջին դուստրն էլ՝ հատուկ ջանասիրությամբ: Մարիամ Փաշինյանը նկարներ է հրապարակել իր տոնական տեսքով, ու, անկեղծ, ոչ մի խնդիր չէր լինի այդ նկարների մեջ, եթե չլիներ մի փոքրիկ «բայց»:

Այն, որ երիտասարդ աղջիկը թե գեղեցիկ հագնվելու, թե գեղեցիկ շպարվելու, թե գեղեցիկ նկարներ անելու իրավունք ունի անքննելի է, բայց հեղափոխության առաջնորդի, ժողովրդի միջից դուրս եկած և ժողովրդի պես զրկանքներով ապրող առաջնորդի դուստրը այս նկարներում «Մանոլո Բլանիք» աշխարհահռչակ բրենդի կոշիկներով է: Ով չգիտի՝ ինչ է «Մանոլո Բլանիք», մի փոքրիկ էքսկուրս։

Այս անգլիական բրենդը էքսկլյուզիվ և շատ թանկ կոշիկների արտադրող է, այնքան էքսկլյուզիվ, որ 2000-ակաների ամենահայտնի սերիալի՝ «Սեքս մեծ քաղաքում»-ի գլխավոր հերոսուհին պատրաստ էր կյանքին հրաժեշտ տալ, բայց պատրաստ չէր բաժանվել Մանոլոյի զույգից: Հիմա հարց՝

որտեղից է Երևանում ապրող և աշխատող երիտասարդ աղջնակին այդքան գումար Մանոլո Բլանիքի վերջին հավաքածուի այս մոդելը գնելու համար: Կասեք՝ լավ, իսկ ինչ արժի այդ կոշիկը, հիմա ասեմ. Մանոլոյի պաշտոնական կայքում առանց առաքման արժեքը 795 ֆունտ ստերլինգ է, ինչը համարժեք է 497 հազար 164 դրամի, ինչքան է հարկավոր վճարել առաքման համար` դժվար

է ասել, քանի որ գինը կախված է նրանից, թե ինչքան արագ առաքում է անհրաժեշտ: Իսկ այն խելոքների համար, որ հիմա նյութի տակ մեկնաբանություն կգրեն, թե հնարավոր է՝ չինական ռեպլիկա է (կեղծված), ասեմ․ որ ռեպլիկա կրելը ոչ միայն պատվաբեր չէ, այլ նաև կարող է հանգեցնել տարբեր անախորժությունների, մինչև պաշտոնական ընկերության կողմից դատարան դիմելը:

Ստացվում է, որ հեծանիվով աշխատանքի գնացող և պարգևավճարներով մի կերպ ծերը ծերին հասցնող իշխանությունը գնում է այն նույն ճանապարհով, ինչ գնում էին նախկի թալանչիները, իսկ եթե չկա տարբերություն, ինչու՞ վճարել ավելին:

Տեսանյութը՝