Մալիում առնվազն 31 մարդ է զոհվել կամրջից ավտոբուսի ընկնելու հետևանքով, ևս 10 մարդ ստացել է տարբեր աստիճանի վնասվածքներ։ Այս մասին հայտնել է Մալիի տրանսպորտի և ենթակառուցվածքների նախարարությունը։
Նշվում է, որ վթարը տեղի է ունեցել Բագո գետի վրայով անցնող կամրջի վրա՝ Նիենա և Կումանտու բնակավայրերի միջև հանրապետական մայրուղու մի հատվածում։ Ավտոբուսն ուղեւորվում էր Բուրկինա Ֆասո։
Նախնական տվյալներով՝ միջադեպի պատճառը կարող էր լինել վարորդի կողմից ավտոբուսի կառավարման ինքնատիրապետման կորուստը։