Չուվաշիայում մահացել է հանրապետության դատախազ Անդրեյ Ֆոմինը․ ըստ ռուսական լրատվամիջոցների՝ նա խեղդվել է Chebswim ամենամյա լողի ժամանակ։Ըստ նախնական տեղեկությունների՝ դեպքը տեղի է ունեցել Վոլգա գետի երկայնքով լողալու ժամանակ։ Ժամը 13։00-ի սահմաններում մասնակիցներից մեկի ինքնազգացողությունը վատացել է և սկսել է խեղդվել ջրում։ Ավելի ուշ պարզվել է, որ նա հանկարծամահ է եղել։
Փրկարարները նրան դուրս են բերել ջրից և հանձնել բժիշկներին, սակայն նրանց չի հաջողվել փրկել տղամարդուն։
Անդրեյ Ֆոմինն ամեն տարի մասնակցում էր լողալու մրցույթին: Այս տարի նա նախատեսում էր գետով 2200 մետր լողալ։