Անհայտ անօդաչու թռչող սարքը փորձել է գրոհել Աերոֆլոտի Airbus A320 ինքնաթիռը՝ Մոսկվայի Շերեմետևո օդանավակայանում վայրէջք կատարելիս: Այս մասին հայտնում է Mash տելեգրամյան ալիքը։

ԱԹՍ-ի մոտեցումը նկատել է Սամարա-Մոսկվա չվերթի ինքնաթիռի ուղևորներից մեկը։ Նրա խոսքով՝ անօդաչու թռչող սարքը նշանառության տակ է պահել ինքնաթիռին, և մոտ է եղել նրան բախվելուն՝ հանկարծակի փոխել է ուղղությունը և թռչել դեպի օդանավակայանի մոտ գտնվող անտառային գոտի։ Վայրէջքից հետո ուղևորը տեղեկությունը փոխանցել է Շերեմետևոյի անվտանգության ծառայությանը՝ սկսել են ստուգել։