Հրապարակը գրում է․ Սյունիքի մարզի Կապան համայնքի Ներքին Հանդ գյուղի բնակիչները կրկին չեն կարողանում գնալ գերեզմանատուն․․  Պատճառն այն է, որ նախորդ

տարվա մարտից ադրբեջանական զինված ուժերը մոտ մեկ կիլոմետր առաջ են եկել եւ վրաններ տեղադրել․․   Համայնքի վարչական

ղեկավար Խաչատուր Բաղդասարյանը մեզ հետ զրույցում ասաց, որ հակառակորդը գերեզմանատնից 25 մետր հեռավորություն վրա է․․  Հարցին՝ երբ մարդ է մահանում, որտե՞ղ են հուղարկավորում, պատասխանեց, որ դեռեւս ոչ ոք չի մահացել, բայց, եթե մահանա ինչ-

որ մեկը, ապա չեն իմանալու՝ որտեղ են հուղարկավորելու․ «Մտածում ենք այդ ուղղությամբ, ամբողջ օրը մեր խոսակցության թեման

դա է, այնպես չէ, որ հեշտ լուծվող հարց է․․  Ցանկացած մարդ, որ գալիս է կառավարությունից, այդ հարցն ենք բարձրացնում, թե ոնց

կարող ենք լուծել»․․ Վարչական ղեկավարից նաեւ հետաքրքվեցինք, թե արդյոք գյուղը լքողներ եղե՞լ են, պատասխանեց՝ ոչ, բնակիչները գյուղում են․․