Գնել Սարգսյանը ծնվել է 1979 թվականի հուլիսի 16-ին Երևանում[2]։ Սովորել է Երևանի թիվ 174 և Երևանի թիվ 53 միջնակարգ դպրոցներում և Երևանի թեթև արդյունաբերական տեխնիկումում։ 1995 թվականին միաժամանակ սովորել է «Հայֆիլմ» կինոստուդիայում։ 1999-2002 թվականներին բնակվել է Հոլանդիայում, որտեղ Գնել Սարգսյանը հայ համայնքների կազմակերպության հետ հիմնել է հայկակա

ն գրադարան։ 2002 թվականին Գնել Սարգսյանը դարձել է Հայաստանի գրողների միության անդամ, նրա ստեղծագործությունները տպագրվել են Հայաստանում և Ամերիկայի Միացյալ Նահանգներում[3]։ Որպես հրավիրված դերասան ներկայացումներով հանդես է եկել տարբեր թատրոններում։

2007-2011 թվականներին նկարահանվել է «Դժբախտ երջանկություն» հեռուստասերիալում, որը ցուցադրվել է «Արմենիա» հեռուստաընկերությամբ։ Որպես դերասան 2011 թվականից աշխատել է «Շանթ» հեռուստաընկերությունում։ Որոշ ժամանակ անց մեկնել է Ռուսաստան։